فێركاری

فیلم و درامـا

فۆتۆشۆپ

بابه‌تی نوێ

یاریی مارەکە بۆ ماسنجەری فەیسبووک زیاد دەکرێت

Unknown 2:18:00 م لێدوان بده‌
 

یاریی مارەکەی تایبەت بە کۆمپانیای نۆکیای فینلەندی، بۆ پڕۆگرامی تۆڕی پەیوەندیی (ماسنجەری فەیسبووک) زیاد دەکرێت.

ئێوارەی دوێنێ یەکشەممە 26/2/2017، بەرپرسانی کۆمپانیای نۆکیا، لە کاتی نمایشکردنی مۆبایلی (نۆکیا 3310)دا ئاشکرایان کرد، کە لە داھاتوویەکی نزیکدا، یاریی مارەکەی تایبەت بە کۆمپانیای نۆکیا، بۆ پڕۆگرامی ماسنجەری فەیسبووک زیاد دەکرێت و دیزاینی یارییەکەش گۆڕانکاری تێدا دەکرێت.

ئەوەش خرایە ڕوو، کاتێک ئەو یارییە بۆ ماسنجەری فەیسبووک زیاد دەکرێت و سەرجەم بەکارھێنەرانی ئەو پڕۆگرامە، دەتوانن یارییەکە بکەن.

ئێوارەی دوێنێ یەکشەممە، لە ڕێوڕەسمێکی تایبەتی نمایشکردنی مۆبایلدا، کۆمپانیای نۆکیا جۆرێکی نوێی مۆبایلی نۆکیا 3310ی نمایش کرد و ئاماژەی بەوە کرد، کە ئەو مۆبایلە نرخەکەی 51 دۆلاری ئەمەریکی دەبێت.

پڕۆگرامی ماسنجەری فەیسبووک، تایبەتە بە کۆمپانیای فەیسبووکی ئەمەریکی و بەکارھێنەرێکی زۆری لە سەرانسەری جیھاندا ھەیە، ھەروەھا بە یەکێک لە باشترین پڕۆگرامەکانی تۆڕی پەیوەندی دادەنرێت.

ئامادەكردن :حەمە پەرێشان

داڕشتنی سیستەمی ئەزموونی قوتابیان

9:24:00 ص لێدوان بده‌


داڕشتنی سیستەمەکێک کە نمرەی قوتابیان لە خۆ بگرێت لە بنەڕەتدا کارێکی سادەیە، بەڵام بەشی گرینگیی ئەوەیە گرینگیی بدرێت بە زانیارییە تایبەتییەکانی قوتابییەک، واتە هیچ قووتابییەک نەتوانێت (بە ئاسانی) نمرەی قوتابیانی دیکە ببینێت.
ئەوە بەردی بناغەی پرۆژەی خوارەوە دەبێت کە لە کۆتاییدا بریتی دەبێت لە بنکەیەکی دراوەی MySQL بۆ لە خۆگرتنی زانیاری پێویست بە مەبەستی ڕێگەدان بە قوتابیان بە بینینی ئەنجامی تاقیکارییەکانیان بە شێوەیەکی سادە و لە هەمان کاتدا پارێزراو بێت.
پرۆسەی پرۆژەکە بە سەرکەوتوویی بریتی دەبێت لە،

  •                                                                      زانیاری تایبەت بە قوتابی، وەک ناو، پۆل، نمرە.


  •       درووستکردنی کۆدی تایبەت بە چوونەژوورەوەی قوتابی. لە ئەم پرۆژەدا بۆ هەر قووتابییەک دوو کۆد درووست دەکەین. کۆدی         Random بۆ ئەوەی هەوڵی "تەسەلسوولی" ڕێگەپێنەدرێت و هەروەها قوتابییەک نەتوانێت بە ئاسانی کۆدی قوتابییەکی دیکە   
  • دانانی زانیارییەکانی سەرەوە لە بنکەیەکی دراوەی MySQL و درووستکردنی فۆرمێک کە قوتابی بتوانێت کۆدەکانی خۆی بنووسێت و نمرەکانی ببینێت.

  •          چاپکردنی کۆدەکان و ناوی قوتابیان لەسەر پارچە کاغەزێک بۆ ئەوەی هەر قوتابییەک کۆدی خۆی بدرێتێ و ئەو پرۆسەیەش  خۆکارانە دەبێت بە هاوکاری پرۆگرامێکی وەک Microsoft Word یان Writer ی LibreOffice یان OpenOffice.
بەستەری داگرتنی ئامرازە بەکاربراوەکان لە نێو بابەتەکەدا لە کۆتایی بابەتەکەدا هەیە.


کۆکردنەوەی زانیارییەکانی تایبەت بە قوتابی
لە ئەم پرۆژەدا وەک نموونە ناوی قوتابی، پۆل و نمرە لە نێو فایلێلی Excel دا کۆدەکەینەوە کە دواتر Import ی دەکەین بۆ بنکەی دراوە.


وەک لە نموونەی سەرەوە ڕوونە زانیارییە بنەڕەتییەکانمان تۆمار کردووە. بۆ درووستکردنی وشەی نهێنی تێکەڵ ئامرازی PWGen ـم بەکار بردووە. دواتر وشەی نهێنییەکانم لە نێو خانەی خۆیان لکاندووە (Paste).




لە PWGen وشەی نهێنی تێکەڵ کە پێکهاتووە لە ١٢ پیت (پیتی ئاسایی، ژمارە و پیت و هێمای تایبەت)، لەوانەیە پێویست نەکات هێمای تایبەت لە هەموو پرۆژەیەکدا هەبێت و نووسینەوەی ئەو هێمایانە بۆ بەکارهێنەر/قوتابی دژوارترە. لێرە بە مەبەستی دابینکردنی پاراستنی باشتر و درووستبوونی وشەی تێکەڵی پتەو، دەیهێڵمەوە.



پاش هەبوونی ئەو زانیارییانەی سەرەوە لە نێو فایلی Excel وەک لە وێنەی یەکەم ڕوونە، پەڕگەی ناوبراو پاشەکەوت دەکەین.
درووستکردنی بنکەی دراوەی MySQL و هێنانی زانیارییەکان
درووستکردنی بنکەی دراوە بە زۆر ئامرازێک جێبەجێ دەکرێت، بۆ نموونە PhpMyAdmin, HeidiSQL و هتد… بە هۆکاری ئەوەی ئێمە لەگەڵ فایلێکی Excel کار دەکەین، بۆ باشترین Compatibility پرۆگرامی Navicat بۆ MySQL بەکار دەبەم کە ئەنجامی باشتر و بێ کێشەی دەبێت.
لە Navicat پاش پەیوەندیکردن بە ڕاژەکاری بنکەی دراوە، بنکەیەکی دراوە درووست دەکەین، من ناوی دەنێم ezmun.




لە هەنگاوی داهاتوودا خشتەی تایبەت بە خانەکان درووست دەکەین (Table).


خشتەکە بە شێوازی خوارەوە دادەڕێژین، پەڕگەی 
.sql لە کۆتایی بابەتەکە هەیە کە دەتوانیت دایبگریت و ڕاستەوخۆ Run ی بکەیت بۆ درووستکردنی خشتەکەت.


CREATE TABLE `poli9` ( `id` int(11) NOT NULL AUTO_INCREMENT COMMENT 'ID قوتابی', `naw` varchar(255) NOT NULL COMMENT 'ناوی قوتابی', `pol` int(2) NOT NULL COMMENT 'پۆلی قوتابی', `nimre` int(3) NOT NULL COMMENT 'نمرەی قوتابی', `kod1` varchar(20) NOT NULL COMMENT 'کۆدی یەکەم', `kod2` varchar(20) NOT NULL COMMENT 'کۆدی دووەم', PRIMARY KEY (`id`), UNIQUE KEY `id` (`id`), KEY `pol` (`pol`) ) ENGINE=InnoDB AUTO_INCREMENT=6 DEFAULT CHARSET=utf8;


لە کاتی درووستبوونی خشتەی ناوبراو دا ناوەکەی دەبێتە poli9 و هەروەها دوو Index ی دەبێت لەسەر بنەماکانی id و pol.

هێنانی زانیارییەکانی قوتابی لە Excel بۆ MySQL

لە Navicat دەتوانین بە ئاسانی زانیارییەکان Import بکەین، کرتەی ڕاست بکە لە خشتەی poli9 و دواتر Import Wizard هەڵبژێرە.




لە پەنجەرەی سەرچاوەکان، سەرچاوە و فۆرماتی درووستیی پەڕگەکەت هەڵبژێرە، من لیستی قوتابییەکانم لە Microsoft Excel 2007 دا نووسیووە و فۆرماتەکەی xlsx ـە، دواتر کرتە لە Next بکە




پاش هەڵبژاردنی پەڕگەی xlsx، لیستی Sheet ـەکان وەک Table دەردەکەون، من ناوی Sheet ـم نابوو قوتابیان و لە لیستەی Table ـەکاندا بە هەمان ناو دەرکەوتووە.


لە هەنگاوی داهاتوودا ئەو خاڵەی کە گرینگە هەڵبژاردەی First Data Row، واتە یەکەم دێڕ کە زانیاری قوتابیانی لە خۆ گرتووە، ئەگەر سەیری پەڕگەی Excel بکەینەوە دەبینین کە دێڕی یەکەم تەرخان کراوە بۆ ناوی Cell ـەکان و لە دێڕی دووەمەوە زانیارییەکان دەست پێدەکەن.


لە هەنگاوی پێنجەم دا دووبارە پیشان دەدرێت کە زانیارییەکانمان لە Sheet ی قوتابیانەوە دەنێردرێت بۆ خشتەی poli9 لە بنکەی دراوەی MySQL. کرتە لە Next بکە بۆ بەردەوامبوون.



لە هەنگاوی شەشەم دا دەتوانین ناوی خانەکان ڕێکبخەین ئەگەر وەک یەک نەبوون، ئەگەر ناوی خانەکان لە هەردوو فایلی Excel و بنکەی دراوەدا وەک یەک نووسرابن، Navicat بۆ خۆی ڕێکیان دەخات. ئەگەر ناوەکان جیاواز بوون پێویست دەکات بۆ خۆت بە پرۆگرامەکە بڵێیت کە چ زانیارییەک لە چ Cell ـێکەوە بچێت بۆ چ Field ـێک


لە هەنگاوی حەوتەم دا هەڵدەبژێرین کە دەمانەوێت زانیارییەکان بە بنکەی دراوە زۆر بکەین. نامانەوێت هیچ زانیارییەکی دیکە بسڕینەوە.


کرتە لە Start بکە بۆ دەستپێکردنی پرۆسەی هێنانی زانیارییەکان.



لە کۆتایی پرۆسەکەدا دەبینین کە زانیارییەکان بە درووستیی هێنراونەتە نێو بنکەی دراوەی MySQL



دانی کۆدەکان بە قوتابیان
دیارە شێواز زۆرە بۆ مەبەستی ئەوەی کە کۆدەکان بدرێت بە قوتابیان، بەڵام لە کاتی هەبوونی سەدان یان هەزاران قوتابی ئەوەیە کە بە شێوەیەکی خۆکارانە کۆدەکان چاپ بکرێن و هەر قوتابییەک کۆدەکانی خۆی لەسەر پارچە کاغەزێک وەربگرێت لەگەڵ زانیاریی پێویست کە لە چ بەستەرێک دەتوانێت بچێتە ژوورەوە و کۆدەکان چۆن بەکار ببات.
لە ئەم هەنگاوەدا ئەو کارە جێبەجێ دەکەین بە هاوکار Mail Merge کە لە پرۆگرامی Microsoft Word دا هەیە. (لە پرۆگرامە سەرچاوەکراوەکانی LibreOffice Writer دا هەیە).
کاری Mail Merge ئەوەیە کە کۆمەڵێک زانیاریی و کاری دووبارە، خۆکارانە بکاتەوە، بۆ نموونە لە ئەم کاتەدا کە ئێمە لە دوو Field دا دوو کۆدمان هەیە کە دەمانهەوێت بیگەیەنینە دەستی قوتابیان، Mail Merge ئەو کارەمان بۆ ئاسان دەکاتەوە کە تەنیا بە چەند کرتەیەک Template ـێک درووست بکەیت و زانیارییەکان خۆکارانە دابەش بکرێن بە شێوەی درووست و هەر قوتابییەک کۆدی تایبەت بە خۆی بۆ چاپ بکرێت.


لە Microsoft Word دا لە ژێر بەشی Mailings کرتە لە Select Recipients بکە، دواتر Use Existing * بۆ ئەوەی ئەو فایلەی Excel هەڵبژێرین کە کۆدەکانی لە خۆ گرتووە.


پاش هەڵبژاردنی فایلی Excel و کردنەوەی، دەبینین کە Word خشتەی قوتابیان دەدۆزێتەوە، کرتە لە OK دەکەین بۆ بەردەوامبوون و هێنانی زانیارییەکان.



لە Word دا بە شێوەیەک زانیارییەکان ڕێکدەخەین کە بۆ قوتابی ئاسان بێت و بزانێت لە کوێ و چۆن زانیارییەکان بەکار ببات، ئەم هەنگاوە بە تەواوی دەگەڕێتەوە سەر سرووشتی پرۆسەکە و دەویسترێت چ جۆرە زانیارییەک بدرێت بە قوتابی.
لێرەدا بە زمانێکی سادە و ئاسان بۆ تێگەشتن پەیامی خۆم دەنووسم، بە دەقی زانیاری تایبەت بە قوتابی دەست پێدەکەم و لە پاش ئەو دەقە دەمەوێت ناوی قوتابی دەربکەوێت.


بۆ دانانی ناوی قوتابی پاش دەقی ناوبراو، لە هەمان بەشی Mailings دا کرتە لە Write & Insert Fields دەکەین، دواتر Insert Merge Field. بەشی Merge Field ناوی ئەو خانانە لە خۆ دەگرێت کە لە فایلی Excel دا هەن و دەتوانین وەک Placeholder بەکاریان ببەین کە دواتر بە زانیارییە ڕاستەقینەکان پڕ دەکرێنەوە. naw هەڵدەبژێرین بۆ دانانی ناوی قوتابی لە پاش دەقە نووسراوەکە.



بەردەوام دەبین لە نووسینی دەقەکەمان و هەموو ئەو زانیارییانەی کە دەمانهەوێت بدرێت بە قوتابی، دەنووسین. لە هەمان کاتدا وەک دانانی Placeholder ی ناو، لە شوێنەکانی دیکە Placeholder بۆ زانیارییەکانی دیکەش دادەنێین، بۆ نموونە pol، kod1, ko2.


بۆ بینینی زانیارییە ڕاستەقینەکان لە باتی Placeholder، دەتوانین Template ـەکە پێشبینین Preview بکەین، ئەو کات دەبینین کە زانیارییەکان لە فایلی Excel ـەوە دەهێنرێن و پیشان دەدرێن.


دەتوانین سەیری هەموو زانیارییەکان بکەین یەک دوای یەک بۆ دڵنیابوون لەوەی هەموو شتێک بە درووستیی ڕێکخراوە.



لە هەنگاوی کۆتاییدا پەڕەکان چاپ دەکەین و زانیارییەکان دەدرێنە قوتابیان کە دەتوانن بەکاری ببەن بۆ چوونەژوورەوە و بینینی ئەنجامی تاقیکردنەوەکانیان.


چەند تێبینییەک لەسەر پرۆسەی چاپکردن،


  • فۆنتێکی سادە بەکار ببە کە قوتابی بتوانێت بە ئاسانی بیخوێنێتەوە.
  • لە هەر شوێنێک کە کۆدەکانت داناوە فۆنتێک بەکار ببە کە توانای درووست پیشاندانی پیتە لاتینییەکانی هەبێت، بۆ نموونە لە فۆنتێکی وەک Arial پیتی l (بچووکی L) لە پیتی I (گەورەی i) دەچێت، بەڵام لە فۆنتێکی وەک Courier New پیتەکان درووست تر و بە شێوازی جیاوازی خۆیانەوە دەردەکەون. بەکاربردنی Courier New درووست ترە بۆ کۆدەکان.
  • لە ئەو شوێنانەی کە کۆدەکان دەردەکەون، شێوازی نووسینەکە لە RTL ـەوە بگۆڕە بۆ LTR بۆ درووست تر دەرکەوتنی کۆدەکان کە بە پیتی لاتینی نووسراون.


درووستکردنی پەڕەی وێب بۆ بینینی ئەنجامەکانی تاقیکردنەوەکان.
لە ئەم هەنگاوەدا هەر قوتابییەک کۆدی تایبەت بە خۆی پێدراوە و ئامادەیە بۆ بینینی ئەنجامی تاقیکردنەوەکەی لە نێو پەڕەیەکی وێب دا. وەک نموونە و بیرۆکەیەک بۆ چۆنیەتی جێبەجێکردنی ئەو بەشەی پرۆسەکە، پەڕەیەکی سادەم نووسیووە کە زانیارییەکانی قوتابی لە بنکەی دراوەوە دەهێنێت و پیشانی دەدات ئەگەر قوتابی کۆدەکانی بە درووستیی بنووسێت.
کۆدەکان لە ٣ پەڕە پێکهاتوون، 
پەڕگەی settings.php کە زانیارییەکانی بنکەی دراوەی لە خۆ گرتووە لەگەڵ چەند وردە زانیارییەکی دیکە. 
پەڕگەی index.php کە فۆرمی چوونەژوورەوە و میکانیزمی پیشاندنی ئەنجامەکان جێبەجێ دەکات. 
پەڕەی style.css کە چەند دێڕێکی کەم مەرجی CSS لە خۆ گرتووە.
هەموو پەڕگەکانی سەرەوە تەنیا نموونەیین و پێویستە بۆ شێواز و کاری پرۆژەی خۆت باشتر بیانگوونجێنیت.
هەروەها نموونەی Table ی قوتابیانم وەک پەڕگەی .sql داناوە کە دەتوانرێت Import بکرێت کە ئەو زانیارییانەی تێدایە لە بابەتەکەدا وەک نموونە کاریان لەگەڵ کراوە.







هەموو مافێکی پارێزراوە بۆ ماڵپەری زانیاری

















درامای كۆری دۆبلاژكراوی كوردی (دۆنگ یی) ئەڵقەی 4

7:02:00 ص لێدوان بده‌

درامای كۆری دۆبلاژكراوی كوردی (دۆنگ یی) ئەڵقەی 4

چیرۆكی دراما

جه‌نگ

سه‌ركێشی

خۆشه‌ویستی

تاوانكاری


لێره‌وه‌ فیلمه‌كه‌ ببینه‌

تایه‌ی زیره‌ك داهێنرا

6:09:00 ص لێدوان بده‌


كۆمپانیای گودیێر دروستكردنی تایه‌یه‌كی زیره‌كی بۆ ئۆتۆمبێله‌كان ڕاگه‌یاند، ئه‌م به‌رهه‌مه‌شه‌ی به‌ شۆڕشێك له‌ پێشكه‌وتنه‌كانی بواری ئۆتۆمبێل و گواستنه‌وه‌ داده‌نرێ و چاوه‌ڕوان ده‌كرێ له‌ داهاتوودا به‌شێوه‌یه‌كی به‌رفره‌وان له‌ دنیادا بڵاو ببێته‌وه‌.

ئه‌و تایه‌ نوێیه‌ی كه‌ كۆمپانیاكه‌ به‌رهه‌می هێناوه‌، ناوی "ئیگل-360"ی لێ نراوه‌ و یه‌كێكه‌ له‌ ناوازه‌ترین و نایابترین جۆره‌كانی تایه‌ كه‌ تا ئێسته‌ له‌ دنیا به‌رهه‌م هاتبێ، به‌ باشترین شێوه‌ خۆی ده‌نگونجێنی و یارمه‌تی جووڵه‌ و سووڕانه‌وه‌ی ئۆتۆمبێل به‌ هه‌موو لایه‌ك زۆر به‌ ئاسانی ده‌دات.

به‌گوێره‌ی زانیارییه‌ بڵاوكراوه‌كان، ئه‌و جۆره‌ تایه‌یه‌ به‌ ته‌واوی هه‌سته‌وه‌رن و زانیاری ورد له‌ ڕێی مێشكی زیره‌كی ئۆتۆمبێله‌وه‌ له‌سه‌ر شاشه‌كانی به‌رده‌می شوفێر پێشان ده‌دات، یارمه‌تی زانینی شێوه‌ی شه‌قامه‌كان و چۆنیه‌تیی شه‌قامه‌كان به‌ شوفێره‌كان ده‌ڵێ و خۆی له‌گه‌ڵ شه‌قامه‌كان ده‌گونجێنێت.

پێگه‌ی بزنس ئنسایده‌ر بڵاوی كرده‌وه‌، پێشبینی ده‌كرێ له‌ داهاتوویه‌كی نزیك ئه‌و تایه‌یه‌ بخرێته‌ بازاڕه‌كان، به‌ڵام تا ئێسته‌ توێژینه‌وه‌ی زیاتری له‌سه‌ر ده‌كرێ تا تایبه‌تمه‌ندی زۆرتری بۆ دابنرێت.

ئه‌و داهێنانه‌ی كۆمپانیای "گۆدیێر" له‌لایه‌ن گۆڤاری تایمی ئه‌مه‌ریكییه‌وه‌ له‌ ساڵی 2016 خه‌ڵاتی "باشترین داهێنان"ی 2016ی پێ به‌خشرا.








س.وشە

رۆبۆتی گۆتا چیت بۆ ده‌كات؟

6:03:00 ص لێدوان بده‌


كۆمپانیایه‌كی ئیتاڵی داهێنانی رۆبۆتێكی زیره‌كی ئاشكرا كرد كه‌ وه‌ك جانتایه‌كی زیره‌ك كار ده‌كات و توانای هه‌ڵگرتنی 20 كیلۆگرام شتی هه‌یه‌ و به‌دوای خاوه‌نه‌كه‌ی تا خێرایی 35 كیلۆمه‌تر له‌ سه‌عاتیكدا ده‌ڕوات.

كۆمپانیای "بیاگۆ"ی ئیتاڵی له‌و باره‌وه‌ رای گه‌یاند كه‌ له‌كاتی بازاڕكردندا ئه‌و جانتایه‌ كه‌ ناوی "گۆتا"یه‌ به‌دوای خاوه‌نه‌كه‌ی ده‌ڕوات و دوو تایه‌ی هه‌یه‌ و به‌ خێرایی تا 35 كیلۆمه‌تر له‌ سعاتێك ده‌ڕوات، واته‌ ئه‌گه‌ر خاوه‌نه‌كه‌ی به‌ پاسكیل یان ماتۆرسكیل بروات، ئه‌وه‌یش تا ئه‌و خێراییه‌ ده‌ڕوات.

ئه‌و رۆبۆته‌ توانای هه‌ڵگرتنی تا 20 كیلۆگرام شتی هه‌یه‌ و به‌ پاتری كار ده‌كات و بۆ ماوه‌ی هه‌شت سه‌عات خۆی ده‌گرێت، هه‌روه‌ها جانتاكه‌ خۆی ده‌جوڵێت و به‌دوای خاوه‌نه‌كه‌ی ده‌كه‌وێت، ئه‌وه‌ش به‌ پشتبه‌ستن به‌ كامێڕا و هه‌ستیاری تایبه‌ت كه‌ ده‌توانێت جوڵانه‌وه‌ی به‌كارهێنه‌كه‌ی چاودێری بكات كه‌ ئه‌و ئامێرێكی بچووكی له‌ گیرفانی یان له‌ ناوه‌قه‌دیدا هه‌ڵگرتووه‌.

هه‌روه‌ها ئه‌و جانتا زیره‌كه‌ كامێڕایه‌كی هه‌ڵگرتووه‌ كه‌ ده‌توانێت به‌ گۆشه‌ی 360 پله‌ وێنه‌ بگرێت و ئه‌وه‌ش وا ده‌كات به‌زه‌حمه‌ت بدزرێت. 






س.وشە

ئه‌پێك بۆ كه‌مكردنه‌وه‌ی ده‌ستدرێژی دروست كرا

5:58:00 ص لێدوان بده‌


له‌ وڵاتی ژاپۆن پسپۆڕان هه‌ڵستاون به‌ دروستكردنی ئه‌پێكی نوێ، به‌ مه‌به‌ستی كه‌مكردنه‌وه‌ی تاوانه‌كانی ده‌ستدرێژیی سێكسی، به‌ شێوه‌یه‌ك ئه‌و ئه‌په‌ هه‌ڵده‌ستێت به‌ ئاگه‌داركردنه‌وه‌ی خاوه‌نی مۆبایله‌كه‌ له‌ چوون و نزیكبوونه‌وه‌ی بۆ ئه‌و ناوچه‌ و شوێنانه‌ی، كه‌ پێشتر تاوانی ده‌ستدرێژییان تێدا رووداوه‌.

له‌و باره‌یه‌وه‌ رۆژنامه‌ی ئیندپێندنت بڵاوی كردووه‌ته‌وه‌، ئه‌و ئه‌په‌ ناوی میامووچییه‌ و مانگی رابردوو له‌لایه‌ن پۆلیسی ژاپۆنه‌وه‌ دروست كراوه‌، به‌ مه‌به‌ستی هاوكاریكردنی ژنان و منداڵان، له‌وه‌ی كه‌ بتوانن له‌ به‌سه‌ربردنی كاته‌كانی ژیانیان هه‌ست به‌ دڵنیایی و پارێزراوی بكه‌ن.

ئه‌پی میامووچی له‌ ده‌ستنیشانكردنی شوێنی به‌كارهێنه‌ر، پشت به‌ سیستمی "GPS" ده‌به‌ستێت، ده‌توانرێ ده‌ستكاری رێكخستنه‌كه‌ی بكرێت، به‌ شێوه‌یه‌ك كه‌ دووری شوێنه‌كانی كه‌ پێویسته‌ به‌كارهێنه‌ر ئاگه‌دارییان بێت، له‌ پێنج كیلۆمه‌تره‌وه‌ بۆ 100 مه‌تر كه‌م بكرێته‌وه‌، به‌ گوێره‌ی ئه‌وه‌ی كه‌سه‌كان خۆیان به‌ گونجاوی ده‌زانن.

ئه‌په‌كه‌ سه‌رجه‌م تاوانه‌ سێكسییه‌كان تۆمار ده‌كات و ئه‌و ناوچانه‌ی رووداوه‌كانی تێدا رووداوه‌ له‌سه‌ر نه‌خشه‌ به‌ ره‌نگی سوور دیاری ده‌كات و پێده‌چێت ببێته‌ یارمه‌تیده‌رێكی باش له‌ كه‌مكردنه‌وه‌ی تاوانه‌كانی ده‌ستدرێژی.





س.وشە

ئەگەر ئایفۆن یان گالاکسیت پێیە ئەم ڤیدیۆیە لەدەست خۆت مەدە

5:56:00 ص لێدوان بده‌

ڤیدیۆ

دەنگ و گۆرانیی ماسییەکانی ژێڕ دەریا تۆمار دەکرێ

5:55:00 ص لێدوان بده‌



پسپۆڕان هەڵستاون بە تۆمارکردنی "گۆرانییەکی کۆڕاڵی"ی ماسییەکانی زەریای هێمن، ئەمەش لە رێگەی جێگیرکردنی چەند مایکرۆفۆنێکی تایبەت لەژێر دەریاکەدا.

بە گوێرەی زانیارییەکان، ئەو دەنگانەی کە ماسییەکان لەژێر ئاودا دەری دەکەن، هاوشێوەی دەنگی پۆلێک چۆلەکەیە کە بە یەکەوە بخوێنن، هاوکات دەنگەکەیان لە ئۆرکێسترایەکی موزیکییش نزیکە.

لەو بارەیەوە رۆژنامەی "Bioacoustics" بڵاوی کردووەتەوە، پسپۆڕانی زانکۆی کورتین دوای ماوەی نزیکەی دوو ساڵ کارکردن، توانیویانە سەرکەوتوو بن لە تۆمارکردنی دەنگی ماسییەکان لە ناوچەیەکی ئاویی هێدلاند لە ئوستڕاڵیا.

لە تۆمارەکەدا حەوت جۆر دەنگ و شەپۆلی دەنگیی جیاواز دەرکەوتووە، کە ماسییەکان لە کات و دۆخی جیاجیادا دەریان بڕیوە.

توێژەرانی ئەو زانکۆیە رای دەگەیەنن، کە مەبەستیان لەو کارەیان ئەوەیە کە لە داهاتوودا زیاتر پەرەی پێ بدرێت، بە مەبەستی بەکارهێنانی لە بواری زیاتر ناسینی مرۆڤ بۆ ژینگە و سروشت.





س.وشە