خزمەتگوزارییەکی بەسوود بۆ تۆڕی کۆمەڵایەتیی (ئینستاگرام) زیاد کرا و تەنیا لەسەر سیستەمی ئەندرۆید کار دەکات.

دوێنێ چوارشەممە 20/4/2017، خزمەتگوزارییەکی بەسوود بۆ ئینستاگرام زیاد کرا، بەم خزمەتگوزارییەش، بەکارھێنەرانی ئەو تۆڕە کۆمەڵایەتییە کاتێک چەندین لاپەڕە و وێنەی جیاواز لەنێو ئینستاگرام دەکەنەوە، پاشان ئەگەر ئینتەرنێتیشیان نەبوو، دەتوانن بچنەوە سەر ئەو لاپەڕە و وێنانەی، کە پێشتر کردبوویانەوە.

ئەو خزمەتگوزارییە نوێیە، تەنیا لەسەر سیستەمی ئەندرۆید بەردەستە، ڕاپۆرتە تەکنۆلۆژییە جیھانییەکانیش پێشبینی دەکەن، لە داھاتوویەکی نزیکدا، بۆ بەکارھێنەرانی سیستەمی (IOS)یش بەردەست ببێت.

ئێستا کۆمپانیای تۆڕی کۆمەڵایەتیی (فەیسبووک) خاوەنی ئینستاگرامە و زوو زوو تایبەتمەندیی نوێ بۆ پڕۆگرامەکە زیاد دەکات، ئێستاش ئینستاگرام لە سەرانسەری جیھاندا بەکارھێنەرێکی زۆری ھەیە.
ئامادەكردن :حمە پەرێشان


"" به‌ یه‌ك ووشه‌ش بێت رای خۆتان ده‌رباره‌ی ئه‌م بابه‌ته‌ ده‌ربرن خۆش حاڵ ده‌بین ""
جار خوێندراوەتەوە
keyboard_arrow_up

مافی بابه‌ته‌كانمان پارێزراوه‌ بۆ© ماڵپه‌ری زانیاری

close

شتیك بنووسه‌ بۆ گه‌ران...