کۆمپانیای فەیسبووکی ئەمەریکی، لە ڕاگەیاندراوێکدا ئاماژەی بەوە کردووە، کە یارییەکانی پڕۆگرامی تۆڕی پەیوەندیی (ماسنجەری فەیسبووک) لە سەرانسەری جیھاندا بەردەست کران.

ئێوارەی دوێنێ سێشەممە 2/5/2017، کۆمپانیای فەیسبووک ڕاگەیاندراوێکی بڵاو کردەوە و تێیدا ئاشکرای کرد، کە خزمەتگوزاریی (Instant Games)ی پڕۆگرامی ماسنجەری فەیسبووک، ئێستا لە سەرانسەری جیھاندا بەردەستە.

ئەو خزمەتگوزارییە کۆمەڵێک یاریی جیاوازی تێدایە و بەکارھێنەرانی ماسنجەری فەیسبووک دەتوانن لە ڕێگەی ئەم خزمەتگوزارییەوە، یارییە جیاوازەکان بکەن.

بۆ بەدەستھێنانی خزمەتگوزاریی (Instant Games)، پێویستە پڕۆگرامی ماسنجەری فەیسبووک لەنێو مۆبایلەکەتدا نوێ (Update) بکەیتەوە.

ئێستا پڕۆگرامی ماسنجەری فەیسبووک، بە یەکێک لە پڕۆگرامە سەرکەوتووەکانی تۆڕی پەیوەندی دادەنرێت، ھەروەھا بەکارھێنەرێکی زۆری لە سەرانسەری جیھاندا ھەیە.


"" به‌ یه‌ك ووشه‌ش بێت رای خۆتان ده‌رباره‌ی ئه‌م بابه‌ته‌ ده‌ربرن خۆش حاڵ ده‌بین ""
keyboard_arrow_up

مافی بابه‌ته‌كانمان پارێزراوه‌ بۆ© ماڵپه‌ری زانیاری

close

شتیك بنووسه‌ بۆ گه‌ران...