خێزانی سێ لە قوربانییانی هێرشەكەی ناوچەی سان برناردینۆی ویلایەتی كالیفۆرنیای ئەمەریكا كە لە مانگی كانوونی یەكەم/دیسێمبەری 2015 ئەنجام درا، سكاڵایان دژی كۆمپانیاكانی فەیسبووك و گووگڵ و تویتەر تۆمار كرد، بە تۆمەتی ئەوەی ئەو كۆمپانیایانە ڕێگەیان بە تیرۆریستان داوە بیر و پلانەكانیان لە ڕێی ئەو تۆڕانەوە ئاڵوگۆڕ بكەن و كردەی هاوشێوەی سان برناردینۆ ئەنجام بدەن. خانەوادەی ئەو سێ قوربانییە لە سكاڵاكەیان ئەو كۆمپانیانە تۆمەتبار دەكەن، كە پشتیوانی مادی پێشكەش تیرۆریستانی داعش دەكەن، بەهۆی ڕێگەدانیان بە بڵاوكردنەوەی پڕوپاگەندە لەلایەن تیرۆریستانەوە لە تۆڕەكانی كۆمەڵایەتی، ئەنجامدانی هێرشی تیرۆریستی. داواكە ئاراستەی دادگەی شاری لۆس ئەنجلسی ئەمەریكا كراوە و تێیدا هاتووە، ماوەی چەند ساڵێكە تیرۆریستانی سەر بە داعش تۆڕەكانی كۆمەڵایەتی وەك ئامرازێكی بڵاوكردنەوەی پڕوپاگەندە و هاندان بۆ توندڕەوی و كۆكردنەوەی پارە و ڕاكێشانی خەڵكی بۆ ڕیزەكانیان بەكار دەهێنن. ئاماژەیان داوە، گەشەكردنی داعش لە چەند ساڵێكی كەم و بوونیان بە مەترسیدارترین ڕێكخراوی تیرۆریستی لە دنیا، بەهیچ شێوەیەك بە بێ فەیسبووك و تویتەر و یوتیوب كە گووگڵ خاوەنییەتی، نەدەهاتە دی. ڕۆژی دووی كانوونی یەكەم دیسێمبەری 2015 چەكدارێك بەناوی "سەید ڕەزاون فاڕووق" و هاوسەرەكەی لە نێو باڵەخانەیەك دەستڕێژی فیشەكیان لە خەڵكی سڤیل كرد و بەو هۆیەوە 14 كەس كوژران و 22ی تریش بریندار بوون.

س.وشە


"" به‌ یه‌ك ووشه‌ش بێت رای خۆتان ده‌رباره‌ی ئه‌م بابه‌ته‌ ده‌ربرن خۆش حاڵ ده‌بین ""
keyboard_arrow_up

مافی بابه‌ته‌كانمان پارێزراوه‌ بۆ© ماڵپه‌ری زانیاری

close

شتیك بنووسه‌ بۆ گه‌ران...