سەرۆكی دەزگای هەواڵگریی هۆڵەندا هۆشداری دا لە هاتنی رۆژی قیامەتی ئەلیكترۆنی، رایگەیاند بەم زووانە كردەوەیەكی مەترسیدار بۆ تێكدانی پێكهاتەی ئەلیكترۆنی و دیجیتاڵی جیهان ئەنجام دەدرێ، بەمەش دۆخی جیهان تێكدەچێ.

دوێنێ سێشەممە رۆب بیرتۆڵی سەرۆكی دەزگای هەواڵگری هۆڵەندا هۆشدارییەكی بەسەر وڵاتانی جیهاندا گشتاند و ئاگەداری كردنەوە لەوەی رۆژی قیامەتی ئەلیكترۆنی نزیكە و لە ئەنجامی هێرشێكی گەورە و مەترسیداردا، ژیانی دیجیتاڵی لەناو دەچێ و بێسەروبەرییەكی گەورە ڕوو لە جیهان دەكات.

بیرتۆڵی لەبەردەم سەدان پسپۆری بوارەكە لە كۆنگرەی تاوانی ئەلیكترۆنی لە لاهای گوتی لە ئەگەری تێكدانی ژێرخانی ئەلیكترۆنیدا، وەكو ئەوەیە مرۆڤ لە نووستنی شەوانە بێ بەش بكات.

ئەم هۆشداریە دوای هێرشە ئەلیكترۆنیە بێ پێشینەكەی هەفتەی رابردوو هات، كە بە یەك جار هێرش كرایە سەر زیاتر لە 200 هەزار قوربانی لە 150 وڵاتی جیاوازی جیهاندا.

رۆب بیرتۆڵی هێرشەكەی ساڵی 2012ی وەبیر هێنایەوە، كە لە ماوەیەكی كورتدا دەزگای كۆمپیوتەری گەورەترین كۆمپانیای نەوتی سعوودیەی كردە ئامانج. دوای ئەوەش بە سێ ساڵ، كۆمپانیاكانی كارەبای عێراق هاك كران، كە ئەمەش بووە هۆی كارەبا بڕانی سەرجەم عێراق بۆ ماوەی چەند سعاتێك.

 لە كۆتاییشدا گوتی لەمبارەیەوە ژێرخانی جیهان بە تەواوی وابەستەی یەكترین، ئەمە ئەگەر خاڵێكی بەهێزی هەبێ، ترسی ئەوەشی هەیە كە ژێرخانەكە هەستیارە و لە هەر شوێنێك بۆی هەیە كاری تێبكرێت. گوتیشی پێشبینی بكەن ئەگەر بۆ ماوەی یەك رۆژ یان هەفتەیەك سیستەمی بانكی جیهانی تێكبچێ، چی روودەدات! یاخوا تۆڕەكانی گواستنەوە لەكار بكەون! یاخو هێرشی ئەلیكترۆنی بكرێتە سەر چاودێرانی هێڵە ئاسمانیەكان! ئەم هێرشانە دەرەنجامی كارەساتباری گەورەیان دەبێ.

س.باس نیوس


"" به‌ یه‌ك ووشه‌ش بێت رای خۆتان ده‌رباره‌ی ئه‌م بابه‌ته‌ ده‌ربرن خۆش حاڵ ده‌بین ""
keyboard_arrow_up

مافی بابه‌ته‌كانمان پارێزراوه‌ بۆ© ماڵپه‌ری زانیاری

close

شتیك بنووسه‌ بۆ گه‌ران...